طلعت كل إلي جواك بكيت وصرخت طلعت كل طاقتك السلبية ويأسك، خلاص خلصت.
خد نفس طويل وطلعه براحه وكررها كام مره علي قد ما تقدر...
مفيش وقت للأستسلام الوقت بيجري وعمرك بيعدي وكل لحظه متقدرش ترجعها تاني...
المجال إلي أنت كارهه وحاسس إنك انجبرت عليه،
ليه متغيرش تفكيرك وتبذل كل طاقتك ومجهودك وتحاول تنجح فيه،
ممكن يكون دا حلمك والحاجه إلي دورت عليها كتير ودلوقتي لقتها، ابذل فيها كل طاقتك واسعي وكمل في الاخر هتلاقي..
مفيش حد تعب وجاهد وفي الآخر ما اخدش تمن سعيه واجتهاده، ممكن ميكنش في الدنيا ممكن يكون التمن مستنيك في الآخرة علي أكبر وأحسن وأفضل..
مش مهم تشوف نتيجة سعيك في الوقت الحالي، اصبر مع الوقت هتوضح الأمور وهتشوف نهاية سعيك...
لازم يكون شعارك، اسعي يا عبد وأنا اسعي معاك، عمرك ما هتحقق نجاح وأنت مستني يجيلك الشغلانه إلي بتحلم بيها وأنت نايم في سريرك،
عشان تعوز حاجه لازم تعملها بنفسك وتجاهد عشان تأخدها، مفيش حد بياخد حاجه من غير ما يطلع فيها كل طاقته وإمكانياته..
متقلش إمكانياتي محدودة، في ناس امكانياتها أقل منك ونجحوا، متحطش كلام المحبطين في دماغك صدقني هتتعب وفي الآخر مش هتوصل لحاجه غير تعب نفسي وفشل وأحباط...
لذلك كمل في طريقك ومتبصش وراك خليك باصص لقدام ومتسمعش كلام أي إنسان يقلك مش هتوصل أنت مش قدها، لا أنت قدها وهتوصل...
كل ما عليك اربط حزام العزيمة، والبس قبعة الإرادة وأنت هتواصل وهتوصل....!
"اوركيدا 🍁"